Agenda - Art 2030 - Boahttevuhtii!
DÁIDDAOHCU LEA RAHPPON! Oza!
Agenda - Art 2030, Boahttevuhtii! -dáiddaráidu rahpá ON:id suvdilis ovdánumi mihttomearreprográmma (Agenda 2030) 17 suorggi Davviriikkalaš nuoraid ja mánáid dáidaga bokte.
Boahttevuođa sávaldagat ja govahallamat ožžot jiena.
Dáiddaráidu čohkkejuvvo čiežanuppelot (17) mánáid ja nuoraid dáiddabuktosis. Dáidda sáhttá leat dánsa, govvadáidda, musihkka, performánsa, divttat, sirkus, birasdáidda, virtuáladuohtavuođat, jietna- ja čuovgadáidda, filmmat, máidnasat, installašuvnnat jna. Nuppiid sániiguin visot, man sáhttá áddet dáiddan.
Dáiddaráiddu dáiddaohcu lea čujuhuvvon vuollil 26-jahkásaš nuoraide ja mánáide, geat ásset Davviriikkain. Ohcci sáhttá leat nuorra ámmátolmmoš, dáidaga astoáigge buđaldeaddji, ustibaččaid boavji, skuvlaluohkká dahje astoáiggejoavku man ihkenassii dáiddasuorggis. Dáiddaohcui sáhttá oassálastit dáiddabuktosiin, mii lea juo leahkimin dahje ođđa buktosiin.
Dehálamos lea, ahte dáidda rahpá ovtta dahje máŋgga ON:id Suvdilis ovdánumi mihttomeari dahkki/dahkkiid boahttevuođa hárrái ja boahttevuođa oidnosiidda.
Dáiddaohcu lea rabas 14.6.2022 (23:59) rádjái.
Dáiddaráidu čájehuvvo golggotmánus 2022 sosiála medias, Agenda - Art 2030 dáiddaráiddu neahttasiidduin ja lassin dáiddaráiddus čohkkejuvvo ollisvuohta čájáhusa várás. Čájáhusa váldobáiki lea Davviriikkalaš kulturbáikki lanjat Suomenlinnas, Helssegis. Dáiddabuktosiidda ohccojuvvojit čájáhusbáikkit maiddái eará doaibmasajiin, mat leat Davviriikkaid ministtarráđi vuollásažžan.
Kurateren dáhpáhuvvá rabas ja anonymiserejuvvon ozuin. Dáiddaozus ohccojuvvo dáidda, mii laktása suvdilis ovdánumi mihttomeriide ja boahttevuođa sávaldagaide. Ekologalašvuohta ja ovttaveardásašvuohta leat dáiddaráiddu guovddáš árvvut. Dáiddaráidu ollašuhtto gustojeaddji covid-19-njuolggadusaid mielde ja ráhkkanemiin vejolaš njuolggadusaide. Čájáhusaid oasil dáiddaráidu čohkiida eanaš vurkejuvvon filmmain dahje streamain, jus covid-dilli ii rievdda jagis mearkkašahtti láhkai.
Dáiddaráidui válljejuvvon dáiddabuktosiidda addojuvvo 300 euro bálkkašupmi (mas geahpeduvvojit vejolaš vearut). Buktosiid vuoigatvuođat ja oamastus bissot dahkkis/dahkkiin.
Marika Tomu Kaipanen ovddasvástádussan lea kurateret dáiddaráiddu bagadallama ja dáiddalaš sisdoalu. Dáiddaválljejumi čađaha ráđđi, mii čohkiida mánáin ja nuorain.
Dáiddaozu evttohus galgá sisttisdoallat čuovvovaš osiid:
1. Buktosa namma.
2. Buktosa hápmi/ráhkadus, ávdnasat, sturrodat, buktosa guhkkodat ja sáhttágo dat leat olgun, buktosa sorjaleami/ceggema teknihkalaš ollašuhttin ja dárbbut, buktosa ovdanbuktináigi árvvu mielde, eará erenomášdárbbut buktosa ovdanbuktima várás. Buktosa áiccalmahtti čuvvosat: govat, filmmat, jietna (liŋka omd. YouTubei dahje sullasažžii). Buktosa ollašuhttima ovddasvástádus lea buktosa dahkkis/dahkkiin nu mo dán govvádusas čuožžu.
3. Oanehis govvádus buktosis ja dan mihttomeriin nu, ahte buvttus lea ovdanbuktojuvvon Agenda 2030 mihttomeriid The Sustainable Development Goals bokte. Sáhtát govvet ovtta dahje máŋgga mihttomeari bokte. Maidda Suvdilis ovdánumi mihttomeriide buvttus vástida dahje almmuha oainnu? Makkárin govahalat ja sávat boahttevuođa dáid mihttomeriid oasil? Makkár lea boahttevuohta ja boahttevuođa eallin, mas dat, man dál vásihit fuotnin, leage bures? Suvdilis ovdánumi mihttomeriid gávnnat dáppe.
4. Buktosa oktavuođadieđut: čujuhus (riika), telefonnummir. Ii/eai dahkki/dahkkiid namma/namat.
Dáiddaohcu nohká 14.6.2022 dmu 23:59.
Sáddes iežat ohcamuša e-poasttain, mas lea bajilčála For the future čujuhussii artagenda2030@gmail.com
Sádde bajábealde govviduvvon njeallje oasi ovtta pdf-čuvvosis.
Válljejumis almmuhuvvo 21.06.2022 rádjái e-poasttain (e-postii, gos ohcamuš lea sáddejuvvon).
Lassedieđut artagenda2030@gmail.com ja +358 40 137 2273.